Opinar ye de Baldre

Acaba salir n'internet un blogue qu'afala a los dos partíos nacionaliegos d'esquierda, Andecha Astur y Unidá Nacionalista Asturiana a xuntase, cara les eleiciones vinientes nuna fuercia única, d'esquierda y nacionalista.

Habrá quien quiera que tamién xuna PAS-URAS, y asina llograr amañar una especie de BNG, un partíu d'Unidá Nacional.

Otros dirán que nun fai dala falta.

Tamién hai quexa de xente que nun vé viable esto, porque son dos partíos con un xeitu estremáu d'entender la política:

-Mentres hai quién diz qu'AA ye un partíu abondu más pragmáticu, hai otra xente que caltién que la UNA tien una visión política dogmática; y caún de los dos grupos vé dificil la xuntanza.

Dende esti blogue vemos mui difícil una posible xuntanza d'estos dos partíos; másimu cuando tamos a les puertes d'una fecha de vital importancia pa la nación asturiana como pue ser el 25 de Mayu, onde toles fuercies polítiques faen actos d'alcordanza y cellebración pel so llau.

Como siempre... ¿Cómo lo véis?

La Crisis económica mundial afecta al mundu capitalista, ú s'atopa Europa, España y Asturies, como nun podía ser d'otra manera.

Asturies yá venía d'una crisis estructural de los años ochenta del sieglu XX, y agora lleguen los efectos de la financiera.

Qué opináis d'esta Crisis. ¿Siéntese más n'Asturies que n'otros países? ¿Saldremos bien? ¿Durará más n'Asturias que n'otros llaos?

Opinái, qu'eso nun cuesta nada.

Pa facer país, o p'allugase nel mundu nel propiu llar d'ún, hai que caltener les señes d'identidá. Eso ta claro y naide lo ñega.

Tamién ta claro que, equí, caún tien la so visión de cómo defender eses señes y cuáles son. Mentres que pal PSOE les señes son abondes, caltienen que nun s'han politizar; poro, nun hai que facer usu visible d'elles, pero sí estudiales y calteneles.

El PP caltien una postura de mieu, tatexando. Y IX xuega y apuesta pola baza asturianista, al igual qu'el restu del asturianismu.

Sicasí, hai unes erbies, unes instituciones pa ello. Y en concreto, pa, como seña cimera, la defensa de la llingua.

Asturies tien l'Academia de la Llingua Asturiana; La Dirección Xeneral de Política Llingüística; el Real Instituto de Estudios Asturianos, la Xunta Asesora de Toponimia, y la Universidá d'Uviéu per aciu del Seminariu de Llingua Asturiana.

El debate d'esta selmana cinca al rodiu de ¿Cómo ves caúna d'estes instituciones pa la defensa del idioma asturianu? ¿Crees que falta daqué?

Opinái.

Primera selmana del blogue na rede, en funcionamientu, y satisfacción pola acoyida de dellos blogueros.

Dicir que sedría interesante que la xente si quier apuerriera temes, si-y paez oportunu, pa llevalos a debate.

Ensin más, gracies pola acoyida.

El Tren d'Alta Velocidá Español aporta a Asturies.

Ye mui posible que l'Alta Velocidá coloque Asturies más cerquina d'otres comunidaes con más puxu económicu como Madrid o'l País Vascu, pero tamién pue ser que faiguen un proxectu con un impautu ambiental mui altu, y mui costosu.

Per otru llau, l'AVE Cantábricu, inxertu nel nomáu "Plan Galicia" tien como mayores inconvenientes la dispersión de les ciudaes de la rasa (A Coruña, O Ferrol, Avilés, Xixón, Santander, Bilbao y Donosti) que tán dalgunes casi pegaes ya nun sedrá d'estrañar que los alcaldes y presidentes de les autonomíes quieran tener apeaeru nes sos respectives ciudaes y, seique nun sía viable.

Yo nun lo teo mui claro. ¿Vós?

Yá llegó a la blogosfera un blogue que naz col enfotu de crear opinión. Quier dicise, que'l llector, que'l veceru participe nél.

Tolas selmanas propondremos un tema pa falar d'él.